నిన్నే కూలిపడింది మరి!
మా చెరువుకు స్నేహాలెక్కువ
ఊళ్లోని మురుగు దారులన్నీ దానివైపే!
మా సర్పంచ్ చాలా పొదుపరి
ప్రభుత్వ డబ్బు అసలు ఖర్చేపెట్టడు!
వాడు మంచి ఆర్టిస్టు
భార్యను ఇట్టే నమ్మించేస్తాడు.
గోదావరి ఒంటరయ్యింది
పుష్కరాలు అయిపోయాయిగా.
కుండ గుండె పగిలింది
ఫ్రిజ్‌ను చూసి.
నేనూ గొప్ప పాటగాడ్నే
వినేవారుంటే!
మా తాతా చిన్నపిల్లాడే
పళ్లు లేవుగా!
ముందు దాని కడుపులో
పడితేగాని మనకు టీ దొరకదు
టీకప్పు!
చేతిదెంత ఉదారగుణం
తాను తినకుండా
నోటికందిస్తోంది ఆహారం.
గాలి - నీటి వైరం
తుపాను!
ఆకాశవాణి కన్నా
టేప్ రికార్డరే బెస్టు
మాట వింటుంది!
దుఃఖానికి ఫ్రమ్ అడ్రస్
దురాశ!
చెట్టుకాండం కట్టుకుంది
బెరడనే పట్టు చీరని!
- వి.ప్రభాకర్
